nihongo wo benkyou shite imasu ne :)

konbanwa, watashi wa ima nihongo wo benkyou shite imasu. En annars er nú ekki mikið að frétta. Sumarið var svakalega skemmtilegt. Við fórum út um allan bæ í vinnunni, með börnin í sund og að skoða ýmisleg söfn og leika okkur. Urðum öll rosalega brún og sæt og flögnuðum svona um það bil 3 til 4 sinnum. Ég aðallega á nefinu. En héldum brúnkunni, því að veðrið var frábært, hreint út sagt. Held að þrisvar hafi komið eitthvað í líkingu við rigningu, en hún stoppaði stutt við. Skólinn er búin að vera strembinn þess önn og ég var nú næstum komin á það stig að hætta bara við allt saman, ef það væri ekki fyrir þá staðreynd að mig langar svo roooosaaaleeeegaaaa mikið út til Japans á næsta ári.... En nú eru bara tvö próf eftir og þá er komið jólafrí. Reyndar ætla ég að vinna allt fríið, en það er nú bara vegna þess að ég var í fríi síðustu jól í einhverjar þrjár vikur og vildi leyfa öðrum að komast að í ár. Annars allt fínt, ætla að halda áfram með lærdóminn. Þar sem það líður svona skuggalega langt á milli, þá segi ég bara Joy Kurisumasu to joy atarashi no nen desu :)

loksins,loksins....

Jæja, sumarið er á enda og búið að vera mjög gaman. Ein vika launalaust frí en þá fór ég að skoða okkar fagra land aðallega á norð-austurhlutann eins og alltaf, nema að núna fór ég líka austur til Reyðarfjarðar, Fáskrúðsfjarðar og Seyðisfjarðar, jú og náttúrulega í höfuðstað Austurlands, Egilstaða. Óla og krakkarnir fóru með mér og var þetta mjög fínt. Annars hef ég bara unnið í allt sumar og það var engin pása því nú er vetrarstarfið byrjað og ég er ennþá að vinna, sökum þess að skólinn byrjar ekki fyrr en í næstu viku.

Miyagi-san, fjölskylduvinur frá Tsukuba,var hérna um daginn og ég keyrði hann og samstarfsmenn hans um Reykjavík og nágrenni hægt að sjá myndir af því einhversstaðar, en ekki hér. Þeim fannst best að sjá Þingvelli, nánar tiltekið Almannagjá. Það hafa líka fleiri gestir rekið inn nefið í sumar, en það eru fjölskylda leigjandans og vinir. En mínir vinir komu líka að norðan og frá Sverige. Mjög gaman og um daginn sváfu alls 11 hér í íbúðinni. Sugoi ne. :)

Hef ekkert meira að segja en reyni að hafa ekki svona langt á milli næst. :)

Próf, próf, próf

Jæja, er byrjuð að læra undir prófin en þurfti að taka langt hlé, sökum þess að ég var að sofna yfir japönskunni. Er á netinu að hlusta á æfingarnar okkar frá því í vetur og þær eru soldið svæfandi, og svo er ég búin að sitja hér inní tölvustofu í Háskólatorginu og er með mjög svo kalda putta. Þarf mat og hressingu núna.

Fer í próf næsta þriðjudag sem er nákvæmlega í framburði, hlustunarpróf, sem sagt. Get ekki sagt að það sé mín sterka hlið, en er hins vegar búin að hlusta á allar æfingarnar nema eina, svo ég ætla að lesa orðaforðann og svona og hlusta aftur á morgun og hinn áður en ég fer. Þarf líka að æfa mig í tölum. Næsta próf er svo málnotkun sem ég þarf að læra mikið undir, og svo ritmál, þarf að læra öll kanji táknin sem eru svona hundrað fyrir utan náttúrulega orðaforðann aftur. En verð mjög fegin þegar þetta er búið.

Ræðukeppnin var í gær og gekk þokkalega miðað við stressið áður. Við fengum öll 30 prósent fyrir þetta. Samt sá ég kennarann næstum sökkva niður úr gólfinu þegar ég var að lesa, kannski ímyndun, en... Eitthvað til að hugsa um. Engar áhyggjur er ekki þessi týpa í dag til að verða kennarasleikja, kannski það vanti. En svona er aldurinn, nenni þessu ekki, vil bara læra, jú og skemmta mér í tímum. Það gæti stuðað suma.

Takk fyrir kortið Ábi ef þú lest þetta. Nú langar mig til Mexíkó, en það verður að bíða betri tíma. Annars ekkert mikið að frétta. Allir sem eru í prófum og lesa þetta, gangi ykkur vel! ;)

Gleðilega páska!!

Páskadagur og ég er ekki eins og venjulega að borða súkkulaðipáskaegg í lange baner, heldur að skrifa ritgerð í japanskri kvikmyndasögu. Þarf að skila á fimmtudaginn. Er búin að skrifa ræðuna mína á japönsku einu sinni og senda til kennarans. Á eftir að fara svona tuttugu sinnum yfir hana. Er samt búin að borða mikið líður virkilega eins og litla fílnum núna. :) Manni leiðist svona einum heima, Severine upp á fjöllum því miður og ég var ekki heima í fyrradag svo þurfti að gera eitthvað í dag. Ætla svo í mat til mömmu í kvöld sennilega. Fer eftir virkninni núna. Er að minnsta kosti komin með forsíðu og svona 4 blaðsíður eða 5 af 8 svo það er nokkuð gott. Og allt þetta í dag. Er samt búin að hugsa um þetta í þó nokkurn tíma eins og venjulega. Þarf líka að lesa fyrir bókmenntaáfangann, sem byrjar í næstu viku og er í tvær vikur, intensive course. En bráðum er skólinn búinn og ég get farið að vinna. Hlakka til eiginlega, leika sér allan daginn. :) Ef þú lest þetta Ábi þá gleðilega páska og gangi þér vel með allt. Brjálað að gera hjá þér líka. Jæja stutt innlegg og aftur í lesturinn. :)

föstudagurinn langi....

þegar ég segi langi á ég náttúrulega við "þreytti", en við erum sérstaklega þreyttar þessa vikuna, samt tek ég vítamín, veit ekki hvað hinar eru að gera. Er búin að vera á netinu í morgun að skoða facebook og svona, hef fengið fleiri vini sem er alltaf gott. Er núna að bíða eftir að fara í vinnuna. Í dag er "keekiyobi" sem þýðir að ég fæ köku :) Þetta verður stutt, Doro er vöknuð svo núna fer ég inní hitann að hlýja mér. Það er frekar kalt í eldhúsinu. En reyni að skrifa meira síðar.

leti, leti, leti...hvað á maður að gera :)

Þetta er hreinlega orðið hlægilegt. Er ekki að nenna neinu þessa dagana. Þetta hús er heldur ekki með rétta andann. Maður verður bara svo ægilega þreyttur hérna inni. Reyndi að fara í Odda í gær og náði að læra svolítið en þurfti svo að keyra Þórhall í klippingu og hitta Mao vinkonu. Hún var með vinkonu sína með sér sem vill kannski leigja hjá mér. Hún heitir skrýtnu nafni og vinnur í Bláfjöllum en er mjög skemmtileg eins og Mao. Tók við skömmum frá kvikmyndasögukennaranum mínum, hún er ein af þessum ofuráhugasömu kennurum og við áttum að lesa 100bls. fyrir fyrsta tímann en ég sagði henni það strax svo það leit ekki eins illa út þegar allir hinir sögðust heldur ekki hafa lesið. En þetta er einn af þessum stuttu námskeiðum, sem það átti víst ekki að verða þegar önnin byrjaði. En þessi kona er frá Bandaríkjunum og mjög fín. En það er vissulega svolítið erfitt að sitja frá 14 til 18:30 og horfa á tvær japanskar kvikmyndir "back to back" og tala um þær í svona einn og hálfan tíma. Núna er ég að vinna bara á mánu- miðviku- og föstudögum. En frá 13 alla dagana og til 17:30 því að ég skila tvo daga í viku. Jæja, þarf að fara niður og taka þvottinn og sjá hvort Þórhallur er að læra. Hann er alveg jafn latur og ég. Kannski nenni ég að skrifa meira næst, en verð að segja að segja að mér finnst þetta mjög gott hjá mér í þessum mánuði. :)

Saltkjöt og baunir túkall, not...

Ókei, þetta gengur bara ekki, drengurinn er ekki enn farinn að mæta í skólann og í morgun þá vaknaði ég líka of seint, hef á tilfinningunni að þegar pabbi og Stúlla báðu mig um að passa að Þórhallur kæmist í skólann á morgnana þyrfti ég að vera vöknuð klukkan 7 sem er meira en að segja það, núna a.m.k. alltaf þreytt. Skammdegið segir til sín. En þetta er samt hans skólaganga, get ekki neytt hann til að fara. Ég fór niður svona um það bil 4 sinnum í morgun og ég held að hann hafi ekki farið seint að sofa. Er nokkuð viss um að við séum að klúðra þessu litla "assignment"i sem við fengum upphaflega.

Matur er af skornum skammti það er heitur matur sem ég elda, er bara ekki að nenna þessu, en hitaðu upp spaghetti bolognese í gær og sauð spaghetti með. Nenni ekki að elda baunasúpu svo að við fáum bara kjúkling í kvöld með hrísgrjónum. Er samt að ná svefninum á rétt ról. Og er virkilega að læra núna, ótrúlegt en satt. Hef ekki nennt því heldur, en fékk nú samt 9 í prófinu á mánudag. En veit ekki með morgundaginn, þá er stærra prófið. Er að skrifa um framtíðarplönin mín sem eru að ferðast. Stutt í dag en reyni að skrifa meira síðar. Ganbatte!!